السلام عليكم ورحمة الله وبركاته
راينا في الاونه الاخير الاستهتار الذي بدر من بعض الناس اللي ترمي ولا اللي تهد طيورها
اول شي : اذا جا جول دحاريج ولا قطا ولا بصو نشوف البر غدى عجاج من الناس اللي تطرد
والمشكله انه مايدري هل قدامه حفره ولا ضلع ولا بعير , وطبعا عدد الي يطردون 50 جيب تقريبا والاخطر من هذا ان نلقى سيارتين والجول يصير بينهم يعني اللي يرمي ياتجي بالسياره اللي جنبه ولا بالسايق
وياما صارت قصص من النوع هذا من ناس اعرفهم علشان جذي كرهت الطرد .
والمشكله الثانيه اهل الفري : ياخي ليش يعني تصيد 100 او 300 فريه مو حرام عليك, والله والله والله راح يجي يوم حتى فريه وحده ماتشوفها: وتلقاهم 20 رجال وكل واحد معاه بندق واذا رما واحد رموا معاه كلبوهم يمكن في واحد رايح للخلا بالظلمه ومحد شافه ورميت صوبه وراح الرجال من جيس اهله.
الصيد عرفناه هوايه ماهو لعب ولا بعدد الصيد:: يعني اللي يصيد 100 فريه هذا يعرف يرمي؟ انا اقدر اصيد الفريه حيه اقضبها قضب بدون بندق.
ياجماعه دير بالكم على نفسكم مانبي حوادث ومشاكل على شان شنو ؟ ولا شي... كلها فريه ولا دحروج يعني شنو.
طبعا انا رجال كرهت الفري من اللي شفته ولا اعتبره صيد اصلا : واكبر عبره عندكم شوفوا الحمام قبل نصيد على 20 الى 30 حمام باليوم والحين يالله تلقى 2 لا وفروخ بعد.
اللي يبي يقنص صح ويرتاح يشوف الاتي( تدق سلف الساعه 10 بليل معاك بندق و3 دستات ومعاك رجال شقردي وتاخذ فرشه وسليب باقك وجاي وقهوه وتروح للبر بعيد يم الرتقه ولا خباري عوازم وتحط شغلك وتقهوه انت وخويك وتسولفون لين تجي الساعه 12 او 1 تحط راسك وتنام وتقوم الصبح تغسل وتصلي وتعين من الله خير وتريق وعقبها تدق سلف وتمشى على الراحه انت تسوق وخويك يرمي ودوجوا وتصيدوا من البصو ولا دحاريج اذا الله جابهن بدون طرد اذا اذا لزم الامر انك تطرد خلهن يولن حيلك بالبصو الكبير رم ليت تصيد اللي يغديك وعقبه تدق سلف عقب الراحه وتعود لاهلك وانت مرتاح .
اسف على الاطاله وهذي بعض المعلومات حاولت اوصلها باسلوب ثاني لاكن ماقدرت السموحه.
__________________
